Еден од водечките сервиси кои посредуваат меѓу тебе, AKA веб издавачот (web publisher) и фирмата која плаќа за рекламите (web advertiser) е релативно новиот сервис на Google за адвертајзинг: Google AdSense. Тие ги нудат сите три модели на рекламирање, а на веб издавачот е оставено да избере некој од нив, или повеќе во комбинација.
Рекламни модели на Google AdSense
Еве ги можностите кои тебе како вебмастер или блогмастер ти се на располагање, ако избереш да се вклучиш во програмата Google AdSense.
1. CPA (Cost Per Action)
Во овој рекламен модел спаѓаат производите кои Google ги нарекува Referrals. Ќе напишам за сегашната понуда од Google AdSense, но имај во предвид дека таа со тек на време може да се промени:- Google AdSense: реклама за самиот сервис. Google плаќа 100 долари за секој нов акаунт кој ќе се креира преку оваа реклама, во моментот кога тој акаунт ќе достигне барем 100 долари.
- Google AdWords: реклама за сервисот за рекламирање, кој го користат веб адвертајзерите (тие кои сакаат да привлечат посети преку AdSende рекламите). Кога веб адвертајзер ќе се регистрира преку твојата реклама и кога ќе ги потроши своите први 100 долари на рекламирање, ти добиваш 20 долари.
- Picasa: софтверска апликација за организација и базично уредување на фотографии. Кога преку рекламата поставена на твојот сајт, посетителот ќе направи download на програмот и ќе го инсталира, ти добиваш 1 долар.
- Firefox: најдобриот браусер доаѓа спакуван со Google Toolbar. Кога преку рекламата поставена на твојот сајт, посетителот ќе направи download на програмот и ќе го инсталира, ти добиваш 1 долар.
Како вебмастер, ти можеш да избереш меѓу текстуална или графичка реклама за било кој од производите. Ако избереш графичка, ќе ти бидат понудени повеќе опции за изгледот и форматот/големината на рекламата. Како за илустрација, погледни на дното од мојот сајдбар (од десната страна), каде има по едно графичко копче за Google AdSense, Google AdWords, Picasa и Firefox со Google Toolbar.
Следниот пост од мини-серијалот за online advertising ќе продолжи со опишување на другите рекламни модели на Google AdSense.
6 comments:
не заебаај бе..
уствари го знаеш мојот став..
Па го знам, да, но мислам дека грешиш. На пример, еве прашање: дали мислиш дека бесплатниот весник Шпиц е добра идеја?
иј, под појас :)
искрено, воздржан сум. премногу дискутабилни околности, целава ситуација е некако збунувачка, така што баш за шпиц сум воздржан.
Не знам што гледаш под појас? :-)
Аналогијата беше дека Шпиц е медиум кој планира да се финансира само со реклами. Луѓето на блог на почеток ставаат материјали онака, без некој сериозен план. Ако се стават и реклами, тоа може да донесе и понекој прилив на пари, колку да ги покрие трошоците за Интернет.
Не ме сфаќај дека сум некој голем поборник за блогирање за пари, туку од технички аспект само ја анализирам и презентирам можноста.
А од друга страна, убеден сум дека ако некој сака, може да заработува и за живот преку блогирање, со помош на рекламите. Ај, ќе правиме муабет. ;-)
Имам една мала забелешка. Во постот (за кој ќе забележам дека е инзвонреден, како и целата серија постови на оваа тема!) споменуваш дека се плаќа 1$ за секој симнат и инсталиран firefox или picasa. Јас забележав дека се плаќаат 0.1$ за симната и инсталирана пикаса или firefox со google toolbar.
Дали можеби нешто грешам, или пак дел од правилата се изименети?!
Чоте, изгледа си во право. Google плаќа ДО 1 долар за производите. :-)
Post a Comment