Onsite Advertiser модел на Google AdSense

Овој пост е продолжение на текстовите „Online advertising“, „Online advertising со Google AdSense“ и „Cost per click рекламен модел на Google AdSense“.

Третиот рекламен модел кој Google AdSense го нуди на веб издавачите е Cost Per Thousand, односно плаќање според бројот на прикажувања на рекламата на твојот сајт.

3. CPМ (Cost Per Thousand)

Овој модел е опционен, а веб издавачот нема контрола врз него, односно не решава дали ќе има на својот веб сајт или блог реклами од овој вид. Имено, веб адвертајзерите (фирмите кои прикажуваат реклами преку програмата Google AdWords) можат да изберат да се рекламираат на сајт за кој тие сметаат дека ќе им донесе посети. Веб издавачот треба да ја има овозможено таа опција (Onsite Advertiser Sign-Up) во своите подесувања, за таа да се појави како можност за рекламирање на неговите сајтови.

Кога е вклучена опцијата Onsite Advertiser Sign-Up, кај рекламите прикажани на сајтот на издавачот ќе се појави линк „Advertise on this site“, како на сликата десно. Со клик на овој линк, на потенцијалниот адвертајзер ќе му се прикаже страница од Google, која ќе ја објасни постапката за рекламирање и ќе го води низ чекорите потребни за да регистрира Google AdWords акаунт и да дефинира колку ќе плаќа за прикажувањата на рекламата.

Прикажувањата се мерат во илјади (1000 impressions = 1000 прикажувања на рекламата) и така и се плаќаат. Минималната вредност која може да се плати за 1000 прикажувања е 0.25 USD.

Сликата подолу покажува како може да изгледа почетната страна на Onsite Advertiser Sign-Up:

Ако за рекламирање на еден сајт се јават повеќе адвертајзери, кој ќе го добие приоритетот со неговите реклами се решава со наддавање. Секако дека многу посетените сајтови, на кои доаѓа одреден профил на читатели, ќе бидат и многу интересни за на нив да се поставаат реклами, со што ќе порасне и цената на вака таргетираното рекламирање. Ова е само потврда дека многу посетен сајт може да носи заработка.

Со досегашните текстови беа објаснети основите на онлајн адвертајзингот и моделите на рекламирање. Исто така, видовме какви решенија за онлајн адвертајзинг нуди Google. Во следниот, последен текст од овој серијал, ќе завршам со некои мои искуства.

Tags: Google, AdSense, CPM, Cost, per, Thousand, impressions, advertise, online, advertiser, AdWords, Гугл, Адсенс, ЦПМ, цена, по, илјади, прикажувања, реклама, онлајн, адвертајзер, Адвордс, Macedonia, Македонија, Panta Rei, GoodBytes.