Генетска споредба на балканските народи во однос на античките народи

Морам уште на почетокот да кажам дека проблемот со името НЕ треба да се гледа низ генетски аспект. Нашиот случај е едноставен: ние СМЕ Македонци бидејќи така се ЧУВСТВУВАМЕ, и никој нема право да ни кажува што сме. Истото тврдење важи за секоја друга етничка заедница во светот.



Како и да е, жестока дебата се разви во форумите на еден швајцарски институт за генетски истражувања (iGENEA) откако тие ги објавија резултатите од нивните истражувања во врска со генетскиот состав на современите народи кои живеат на Балканот, во споредба со генетскиот отпечаток кој е најден кај античките народи (на пример, преку археолошки ископувања). Јас не сум генетичар, па затоа нема да навлегувам во било каква анализа или дебата. Но сепак, во интерес на сите нас е да бидеме информирани КОИ сме, па затоа ќе ги копирам откритијата кои iGENEA ги објави за Македонија и за соседните земји.

Албанија:
30% Illyrian
20% Slavs
18% Thracian
15% Phoenician
14% Hellenic
02% Vikings

Грција:
35% Hellenic
20% Slavs
20% Phoenician
10% Illyrian
10% Germanic
05% Macedonian (но во Егејска Македонија, повеќе од 18%)

Бугарија:
49% Thracian
15% Slavs
15% Hellenic
11% Macedonian
05% Phoenician

Македонија:
30% Macedonian
20% Germanic
15% Hellenic
15% Slavs
10% Illyrian
05% Phoenician
05% Hunnen

Еден од научниците кои работат во iGENEA, одговарајќи некои прашања на нивниот форум, ја кажа следнава реченица:

Ниедна земја во Европа денес не е генетски хомогена.

Би сакал да го потенцирам овој факт, бидејќи е ист со моето тврдење дека генетиката не може да се внесе како аргумент во спорот со името, имајќи предвид дека сите современи народи се мешавина од многу народи и култури кои живееле пред нив и дека сигурно НИКОЈ нема право да бара ексклузивност над било кој историски период, особено не врз база на некакво „генетско наследство“. Инсистирањето да се користат аргументи од тој домен го прави таквиот соговорник да изгледа или глупав и/или претенциозен лажго.

На пример, освен ако не го оспори и докаже како неточен погорниот пасус, никој нема право да се расфрла со тврдења од типот:

• Македонците се Грци (тие се генетски различни, генот на Античките Македонци е понапреден и содржи две мутации повеќе од еленскиот, односно старогрчкиот, според iGENEA);
• Граѓаните на Република Македонија се Словени (делумно точно, ни сме 15% Словени, но што ќе се случи ако тие проценти ги споредиме со 20% словенски гени кај Грците, дали според тоа Грците се повеќе Словени од нас?);
• Македонците се Бугари (исто неточно, доволно е само да се забележи силниот Тракиски ген, застапен со 49% кај современите Бугари);
• Македонците немаат историја (ова е толку очигледно неточно, всушност е да паднеш од смеење, и може само да послужи како показател дека еден антимакедонски фашист, ако е притиснат до ѕид, ќе ИЗМИСЛИ „аргументи“ во недостаток на факти).

Затоа, ајде да го тргнеме „аргументот на наследство“ или „генетичкиот аргумент“ од масата, додека зборуваме за тоа зошто вие инсистирате дека ние треба да си го промениме името. Очигледно е дека тоа НЕ е валиден аргумент, и всушност е една од причините зошто ги оневозможив коментарите на мојот блог Речи: Македонија - добивав премногу „генетски шум“ наместо вистинска дебата која ќе се води во пријателски дух. Но, ако веќе ИНСИСТИРАТЕ да го користите овој аргумент, тогаш ете ви ги бројките погоре, па уште еднаш погледајте од што ние (и вие) сме сочинети.

Ако оваа статија го инспирира барем еден расист да си ги преиспита своите верувања, тогаш јас ќе бидам повеќе од задоволен.

Link: Genetic comparison of the Balkan nations against ancient nations (превод од мојот блог Say: Macedonia).

Topics: Македонија, забава, софтвер, политика, Интернет, наука, видео, економија, право, музика, комуникации, технологија, фотографија, образование, екологија, букмарклет.